కష్టమంటే ఏంటీ?

అప్పట్లో కష్టం అంటే ! తినడానికి సరైన తిండి దొరక్క, చదివినా ఉద్యోగం దొరక్కపోవడం, భార్యకి భర్తపోరు, అత్తపోరు, ఆడపిల్లలకి పెళ్ళిళ్ళు, ఆరుగాలం కష్టపడిన రైతుకి పంట చేతికి అందకపోవడం, ఇంటిల్లపాది ఒక్కరి సంపాదనతో బ్రతకడం, చాలిచాలని జీతాలు ఇలా ఒకస్థాయిలో ఉండేవి. మిగిలిన వాటికి చాలావరకు సర్దుకుపోయేవారు. సరిపెట్టుకునేవారు.

ఇప్పుడు కష్టం రూపురేఖలు మారిపోయాయి..
పరీక్ష తప్పితే కష్టం, అమ్మ తిడితే కష్టం, నాన్న కొడితే కష్టం, పాఠాలు నేర్పే గురువు అరిస్తే కష్టం, సరైన చీర కొనకపోతే కష్టం, ఎవరైనా ఎదురొస్తే కష్టం, పొద్దున్నే లేచి ఎవడి ముఖం చూసినా కష్టమే, సినిమాకో షికారుకో ఇంట్లోవారో, బయటివారో తీసుకెళ్ళకపోతే కష్టం, నచ్చింది దొరక్కపోతే కష్టం, తనకి నచ్చింది ఎవరైనా తీసుకుంటే కష్టం, పరీక్షలో ఉత్తీర్ణత సాధిస్తానో లేదో అనే కష్టం, నచ్చినవాళ్ళు దొరక్కపోతే కష్టం, ఎదురు చెప్పడం కష్టం, తన మాట నేగ్గకపోవడం కష్టం, ప్రతి చిన్నవిషయం కూడా నేటివారికి కష్టంగానే కనిపిస్తుంది.  ఇప్పటివారి కష్టాలకి లక్ష్యమైన కారణం ఒక్కటే..

అనుకున్నది దొరకాలి. అప్పుడు కష్టం లేనట్లు. పిన్నీసు దొరక్కపోయినా ప్రాణం పోయేంత కష్టం వచ్చినట్లు బాధలు పడిపోతున్నారు. ఇవి నాటికీ నేటికి కష్టాల్లో వచ్చిన మార్పులు.
 అప్పట్లో చదువులు లేవు కదా మనస్సు చాలా బలంగా ఉండేది. ఎందుకంటే చిన్ననాటి నుండి కష్టాలు చూసి పెరిగారు. ఇప్పుడు కష్టం అంటే ఏంటో తెలియకుండా తల తాకట్టు పెట్టయిన కోరిందల్లా కాళ్ళ ముందు పెడుతున్నారు దీంతో ప్రతీది కష్టమే! చదువులు ఎక్కువయ్యాయి కదా! మానసిక బలం తగ్గిపోయింది. నేనేదో చదువులు మీద యుద్ధం చేస్తున్నాను అనుకోకండి.

పిల్లలకి ఇప్పటి కొత్తతరం పెద్దలకి చెప్పేది ఏంటంటే! చదవండి చదివించండి. దాంతోపాటే కష్టపడడం నేర్పండి. మీరు ఎంత కష్టపడుతున్నారో తెలియజేస్తూ పెంచండి. మేము పడుతున్న కష్టం చాలు పిల్లలు ఎందుకు పడాలి అనుకోవడం అంత పెద్దపోరబాటు  ఇంకోటి లేదు. 

ఎమ్మెల్యే అయినా సైకిళ్లు రిపేర్ చేసుకుంటూ బతికాడు

ఎమ్మెల్యే అయినా సైకిళ్లు రిపేర్ చేసుకుంటూ బతికాడు.. డబ్బుల్లేక రెండోసారి టికెట్ వద్దన్నాడు!

ఇదేదో బీసీ కాలం నాటిదో.. సెవెన్టీస్ టైమ్ లోని స్టోరీయో కాదు.. ఇప్పటిదే! ఆ మహనీయుడు మనతో బతుకుతున్నాడు. రాజకీయాల్లో అవినీతి గురించి మాట్లాడే ముందు ఈ నాయకుడి గురించి తెలుసుకోవాలి. అవినీతి చేయకుండా రాజకీయంలో బతికుతున్న అతి కొద్ది మంది నాయకుల్లో ఇతనొకరు.. పేరు నల్లతంబి.. ఊరు మద్రాస్.. పార్టీ డిఎండికె.

మామూలుగా ఎన్నికల్లో టికెట్ కోసం కోట్లు ఖర్చు పెడతారు. గెలుపు కోసం ఇంకొన్ని కోట్లు ఖర్చు పెడతారు. ఓ వైపు కోటీశ్వరులు టికెట్ల కోసం నానా తిప్పలూ పడుతుంటే పెద్ద పార్టీ టికెట్ నే వద్దనేశాడు నల్లతంబి. పోనీ రాజకీయాలకు కొత్తా అంటే కాదు.. ఐదేళ్ల పాటూ ఎమ్మెల్యేగా పనిచేశాడు. పార్టీ అధిష్టానం టికెట్ ప్రకటించే ముందే ఈయనే డైరెక్టుగా అధిష్టానాన్ని కలిశాడు. విజయ్ కాంత్ దగ్గరకు వెళ్లి ఈసారి తనకు టికెట్ వద్దనీ.. ఎన్నికల్లో ఖర్చుకు సరిపడా డబ్బులు లేవని చెప్పేశాడు. ఇంకొకడైతే టికెట్ తనకే ఇవ్వమని అడిగి ఎక్కడో అక్కడ డబ్బు తెచ్చే వాడు. ఆ డబ్బు తిరిగి తీర్చడానికి అవినీతి చేసేవాడు. కానీ మన తంబికి అవినీతి రోగం అంటలేదు. అందుకే ఐదేళ్లు ఎమ్మెల్యేగా పనిచేసినా ఏం సంపాయించకుండా అలానే ఉన్నాడు. పైగా తమిళ ఎమ్మెల్యేలకు మన దగ్గర ఉన్నన్ని జీతాలు కూడా లేవు. దీంతో నల్లతండి డెసిషన్ మిగిలిన తంబీలకు షాకే.

చెన్నపట్నంలోని పురసైవాక్కంలో సైకిల్ రిపేర్ షాపు ఒకటుంది. దాని ఓనరే ఈ నల్లతంబి.. విజయకాంత్ స్థాపించిన డిఎండికె పార్టీలో చురుకుగా పనిచేసేవాడు. సామాన్య కార్యకర్త నుంచి పార్టీ యువజన విభాగం ఉప కార్యదర్శి వరకూ ఎదిగాడు.. నల్లతంబి సిన్సియారిటీ, కమిట్మెంటు నచ్చి స్వయంగా విజయకాంత్ పిలిచి ఎమ్మెల్యే టికెట్ ఇచ్చారు. 2011 అసెంబ్లీ ఎన్నికల్లో ఎగ్మూరు నియోజకవర్గం నుంచి పోటీ చేశాడు. బలమైన డిఎంకె అభ్యర్థిని తక్కువ తేడాతో ఓడించి అసెంబ్లీలో అడుగు పెట్టారు. అప్పుడే అందరి ఫోకస్ నల్లతంబిపై పడింది. ఏ హంగూ లేకుండా సాదా సీదాగా బతికేవాడు నల్లతండి.

నల్లతంబి జీవితం గురించి తెలుసుకుంటే ఆశ్చర్యపోవాల్సిందే.. ఎమ్మెల్యే అయ్యాక సైకిల్ రిపేర్ షాపులో కూర్చోవడం కష్టం. కష్టం అంటే నామోషీ కాదు.. నిత్యం జనాలతో కలవాల్సిన, తిరగాల్సిన పనులు ఎమ్మెల్యేకి చాలా ఉంటాయి. దీంతో ఎమ్మెల్యేగా వచ్చే జీతమే ఆధారం. జీతమంటే మన ఆంధ్ర-తెలంగాణల్లో ఇస్తున్నట్టు అక్కడ 2-3 లక్షలు ఇవ్వరు. తమిళనాడులో ఇప్పుడు ఎమ్మెల్యే జీతం నెలకు 55 వేలు. దీంతోనే నెలంతా నెట్టుకొచ్చేవాడు నల్లతంబి. అందులోనే పీఏ జీతం, ఆఫీసు మెయింటినెన్సు, ట్రాన్స్పోర్టు.. అన్నిటికీ మించి నెల నెలా కుటుంబం గడవడానికి కూడా ఆ జీతమే ఆధారం. తనకంటూ ఏమీ మిగుల్చుకోకుండానే ఐదేళ్లు ఎమ్మెల్యేగా పనిచేశాడు. (మామూలుగా ఎమ్మెల్యేల జీతాలు పెరిగితే కోపం వస్తుంది కానీ.. ఇలాంటోళ్లను చూసినప్పుడు ఎమ్మెల్యేకి 5 లక్షల జీతం ఇచ్చినా తప్పులేదనిపిస్తుంది!). కుటుంబం ఇంత భారంగా నడుస్తున్నా ఎక్కడా కక్కుర్తి పడలేదు. ఎమ్మెల్యే హోదాలో.. అది కూడా చెన్నై నగరంలో ముఖ్యమైన ప్రాంతమైన ఎగ్మూరు ప్రాంతానికి ఎమ్మెల్యే అంటే మాటలు కాదు.. ఎవరినీ నోరు తెరిచి అడగకపోయినా నెల నెలా లక్షల రూపాయలు వచ్చి పడతాయి. కానీ నల్లతంబి అలా చేయలేదు. నల్లతంబి నిజాయితీకి ఎన్నో ఉదాహరణలున్నాయి.

అసెంబ్లీలో వివాదాలు నడుస్తూనే ఉంటాయి. ఒక రోజు సభలో నల్లతంబి సహా చాలా మంది డిఎండికె ఎమ్మెల్యేల మీద వేటు పడింది. ఆరు నెలలు సస్పెండ్ చేశారు. మిగిలన వాళ్లకి అది పెద్ద విషయం కాకపోవచ్చు. కానీ నల్ల తంబికి సమస్యే. ఎందుకంటే సస్పెండ్ చేసిన సమయానికి జీతం రాదు. అలాగని పని చేసుకోలేడు.. ఎందుకంటే ఆ సమయంలో ఆందోళన కార్యక్రమాలు ఉంటాయి. దీంతో మనోడి పరిస్థితి అర్థం చేసుకుని సస్పెన్షన్ లో ఉన్నన్నాళ్లూ నెలకు 10 వేల రూపాయల చొప్పున ఖర్చులకు పంపించాడు విజయకాంత్.. వాటితోనే బొటా బొటీగా సర్దుకుని బతికాడు.

మనోడి నిజాయితీని పట్టి చూపే మరో ఉదాహరణ ఉంటుంది. ఇప్పుడు మన రెండు రాష్ట్రాల ఎమ్మెల్యేలను ఓసారి గుర్తు చేసుకోండి. నియోజకవర్గం అభివృద్ధి అని పట్ట పగలు పచ్చి అబద్ధాలు చెప్పి సిగ్గులేకుండా పార్టీలు మారుతున్నారు మనోళ్లు. కానీ నల్లతంబిని తమ పార్టీలోకి తీసుకోవాడానికి ఎంత మంది ప్రయత్నించినా లాభం లేకపోయింది. పార్టీ మారితే 15 కోట్ల రూపాయల డబ్బు ఇస్తామని చెప్పినా నల్లతంబి వినలేదు. తను జీవితాంతం సైకిల్ షాపు నడిపినా సంపాయించలేనంత డబ్బు అది. కానీ తంబి లొంగలేదు. తనకు టికెట్ ఇచ్చిన పార్టీకి ద్రోహం చేయబోనని ఎదుటి పార్టీ వాళ్లకు తెగేసి చెప్పేశాడు.

5 సంవత్సరాలు గిర్రున తిరిగాయి. మళ్లీ ఎన్నికలు వచ్చాయి. నల్లతంబి టికెట్ కి ఢోకా లేదు. విజయకాంత్, ఆయన భార్య ప్రేమలత టికెట్ల లిస్టుపై కూర్చున్నారు. అందులో ముందు ఓకే చేసిన పేరు నల్లతంబిదే. అలా జరుగుతుందన్న విషయం నల్లతంబికీ తెలుసు. కానీ ప్రకటన కంటే ముందే విజయకాంత్ ని కలిశాడు. టికెట్ వద్దని సున్నితంగా చెప్పాడు.. ఇప్పుడున్న పరిస్థితుల్లో ఎన్నికల్లో నెగ్గడానికి కోట్లు కావాలనీ.. తనకు అంత స్తోమత లేదని చెప్పేశాడు. అయితే పార్టీ విజయం కోసం పనిచేస్తానని మాటిచ్చాడు. టికెట్ తప్ప ఏ పనైనా అప్పజెప్పండని చెప్పడంతో.. విజయకాంత్ భార్య ప్రేమలతకు తోడుగా ఎన్నికల ప్రచారానికి పంపుతున్నారు నల్లతంబిని.

ఈ విషయంలో విజయకాంత్ తప్పు కూడా ఉంది. అటువంటి నిజాయితీ పరులను వదులకోవడం పిచ్చి పని. అతని దగ్గర డబ్బు లేకపోతే పార్టీ ఫండ్ నుంచైనా ఖర్చు చేసి, అతన్ని ఒప్పించి టికెట్ ఇచ్చుండాల్సింది. బాగా డబ్బున్న వాళ్లు, టికెట్ల కోసం ఎదురు పెట్ట గలిగే వాళ్లు చాలా మందే పోటీ చేసి ఉంటారు కదా. వారి దగ్గర నుంచైనా వసూలు చేసి నల్లతంబిని గెలిపించుకుని ఉంటే బావుండేది. కానీ ప్రస్తుతానికి ఆ ఛాన్స్ లేదు.

ఒకటి నిజం… తమిళనాడు అసెంబ్లీలోని నిఖార్సయిన నాయకుడిని వచ్చే సభలో చూడలేకపోవచ్చు.. కానీ ఈ అసెంబ్లీ ఎన్నికలే సర్వస్వం కాదు.. సభ మొత్తం నల్లతంబి లాంటి నాయకులే నిండిపోయే రోజు రావాలని కోరుకుందాం. అందుకోసం ప్రయత్నిద్దాం. కంగారుపడకండి. ప్రయత్నించడం అంటే మీరేమీ రోడ్డు మీదకి రావక్కర్లేదు. ఐదేళ్లకోసారి పోలింగ్ బూత్ కి వెళ్లి పది నిమిషాలు స్పెండ్ చేయండి చాలు! జై నల్లతంబి!

ఒకప్పటి గోవా సీఎం కథ

గోవా తెలియని వారూండరు.
గోవా నగరం లో ఒక ట్రాఫిక్ సిగ్నల్ పడింది ఆది చూసి స్కూటెర్ నడుపుతున్న వ్యక్తి బండి ఆపేసాడు.
.
వెనుకగా ఒక కార్ వచ్చింది ఒకటే హార్న్ కొడుతూ దారి ఇవ్వమని అడిగాడు.  స్కూటర్ పైన ఉన్న వ్యక్తి రెడ్ లైట్ చూపాడు.
.
నాకు తెలుసులే నువ్ తప్పుకో నేను గోవా పోలీస్ ఆఫీసర్ కొడుకుని అన్నాడు.
.
స్కూటర్ మీదున్న వ్యక్తి  చిన్నగా నవ్వి నేను గోవా ముఖ్యమంత్రిని అన్నాడు.
.
ఒక సామాన్య ముఖ్య మంత్రి.
అసెంబ్లీ కి స్కూటర్ మీద వెళతారు.
ప్రోటోకాల్ ఉండదు.
పోలీస్ కేస్ లలో జోక్యం ఉండదు
ఆ రాష్ట్ర ముఖ్య మంత్రి ని కేంద్ర ప్రభుత్వం మంత్రి పదవి ఇచ్చి రమ్మంది.
.
ఒక ముఖ్య మంత్రి తమ రాష్ట్రం నుండి కేంద్ర మంత్రిగా వెళుతున్నారంటే సంతోషించే వారే కదా ప్రజలు.
.
ఆయన్ని గోవా ముఖ్యమంతి పదవికి రాజీనామా చేసి కేంద్ర రక్షణ మంత్రి బాధ్యతలు స్వీకరించామని కొరినపుడు యావత్ గోవా కంట తడి పెట్టింది
.
రాజకీయ నాయకులు అంటేనే అసహ్యం జుగుప్సు ఉన్న ఈ రోజుల్లో తమ నాయకుడు తమని వదిలి కేంద్రానికి వెళుతున్నారంటే ప్రజలు  కన్నీరు పెట్టారంటే ఆయన ఎంత పెద్ద నాయకుడో ఇట్టే చెప్పొచ్చు.
.
ట్రాఫిక్ జాం ఐతే కార్ దిగేసి స్కూటెర్ పై ఉన్న వాడిని లిఫ్ట్ అడిగెస్తాడు. బడ్డీ కొట్టు లో టీ తాగేస్తాడు. ఫుట్ పాత్ పై ఉన్న బజ్జీలు తింటాడు. అదేమిటి అని అడిగితే మన పాలన గురించి బడ్డీ కొట్టు లో తెలిసినంత మరెక్కడా తెలీదు అని చిరునవ్వుతో సమాధానం ఇస్తాడు.
.
గోవా ముఖ్య మంత్రిగా ఒక కాన్ఫరెన్స్ కి హాజరు కావాల్సి ఉంది కార్ ఆగింది ఒక వ్యక్తి దిగి ఒక చేత్తో బాగ్ మరో చేత్తో ఫైల్స్ మామూలుగా నడుచుకుంటూ వెళ్ళిపోయాడు. వెనక సెక్యూరిటీ వచ్చారు ఎక్కడ గోవా ముఖ్య మంత్రి అని వారిని అడిగితే అదిగో ఫైల్స్ మోసుకెళుతున్న వ్యక్తే మా ముఖ్యమంత్రి అని చెప్పరాట సెక్యూరిటీ.
.
తీరా లోపలికెళ్లాక ఆ స్టార్ హోటెల్ గేట్ వద్ద ఉన్న వ్యక్తి ఎవరు మీరు లోపలికి వెళుతున్నారు అని ఆపేశారట వెనక నుండి సెక్యూరిటీ వచ్చి మా ముఖ్య మంత్రి అని చెబితే అవాక్కయ్యడట
.
అంతటి మంచి వ్యక్తి తమ రాష్ట్రం నుండి వెళుతుంటే బాధ తో కన్నీరు పెట్టారంటే నమ్మలేము  ఆ వ్యక్తి ఎంతటి ధనికుడో మీరే చెప్పాలి.
.
అవును నేను చెప్పేది మన రక్షణ మంత్రి మనోహర్ పరికర్ గారి గురించి.
.
అత్యంత పేద కుటుంబం నుండి వచ్చి IIT పట్టా పొందిన పరికర్.

కళ్యాణ రాముని అవతార కథ

కళ్యాణ రాముని అవతార కథ :-
        తత శ్చ ద్వాదశే మాసే చైత్రే నావమికే తిథౌ
           నక్షత్రే  దితి దైవత్యే స్వోచ్ఛ సంస్థేషు పంచసు
   శ్రీరాముడు వసంత ఋతువులో చైత్ర శుద్ధ నవమి, గురువారము నాడు పునర్వసు నక్షత్రపు కర్కాటక లగ్నంలో సరిగ్గా అభిజిత్ ముహూర్తంలో అంటే మధ్యాహ్మం 12 గంటల వేళలో త్రేతాయుగంలో జన్మించినాడు. ఆ మహనీయుని జన్మ దినమును ప్రజలు పండుగగా జరుపుకుంటారు. పదునాలుగు సంవత్సరములు అరణ్యవాసము, రావణ సంహారము తరువాత శ్రీరాముడు సీతాసమేతంగా అయోధ్యలో పట్టాభిషిక్తుడైనాడు. ఈ శుభ సంఘటన కూడా చైత్ర శుద్ధ నవమి నాడే జరిగినదని ప్రజల విశ్వాసము. శ్రీ సీతారాముల కళ్యాణం కూడా ఈరోజునే జరిగింది. శ్రీ రామ నవమి పండుగను స్వామి జన్మదినంగాను, సీతా మాతతో కళ్యాణ మహోత్సవంగాను జరుపుకుంటారు. భగవంతుడు ధరించిన మానవ అవతారములలో యీ శ్రీరామచంద్రమూర్తి అవతారము సంపూర్ణ మానవావతారమని రామాయణ కావ్యము తెల్పుతున్నది. శ్రీరామునిగా మానవావతారమెత్తిన భగవంతుడు మానవుడు ఎలా వుండాలి, ఎలా ప్రవర్తించాలి, ఏఏ ధర్మాలను పాటించాలి అనే విషయాలను తను ఆచరించి మానవులకు చూపి, ఆదర్శమూర్తి అయి, ఇప్పటికిని అనగా త్రేతాయుగములో అవతరించి, ద్వాపరము అయి కలియుగము నడుస్తున్న ఈ నాటికి కూడా దేవునిగా కొనియాడబడుతూ శ్రీ రామ నవమి అను పేరున నవరాత్రములు, కళ్యాణ మహోత్సవములు జరిపించుకొనుచున్నాడు.
   ( ఇటీవల జరిపిన జ్యోతిష శాస్త్ర పరిశోధనల ఆధారంగా శ్రీరాముడు క్రీ.పూ 5114, జనవరి 10 న జన్మించి ఉండవచ్చునని భావిస్తున్నారు. )
     భగవంతుడు తన భక్తుల కోర్కెలను తీర్చుటకును, దుష్టుల సంహరించుటకును, సజ్జనుల కష్టముల నుండి కడతేర్చుటకును ఆయా సందర్భాను సారముగ అవతారముల నెత్తును. భారత ఇతి హాసముల ద్వారా పురాణముల ద్వారా కావ్యముల ద్వారా మనకు భగవంతుని అవతారముల గురించి తెలియుచున్నది.
పూర్వము వాల్మీకి యను మహర్షి శ్రీ మద్రామాయణము అను మహా కావ్యము వ్రాసెను. భారతీయులకు వాల్మీకి మొదటి కావ్యరచయిత; శ్రీ మద్రామాయణమే మొదటి కావ్యము . ఈ కావ్యము నుండి భగవంతుని దశావతారములు లోని రామావతారము గురించి మనకు తెలియుచున్నది.
జన్మ వృత్తాంతం : - త్రేతా యుగమున రావణాసురుడు యను రాక్షసుడు భూలోకమున లంకాధీశుడై పరమశివుడు, బ్రహ్మలగురించి తపస్సు చేసి వారిచే అనుగ్రహింపబడిన వర గర్వితుడై ఎవ్వరిని లెక్క చేయక దేవతలను, ఋషులను, హరి (విష్టువు) భక్తులను వేధించుచుండెను. అప్పుడు వారందరు హరిని ప్రార్ధించి తమ కష్టములను మొర పెట్టుకొనగా, ఆ మహా విష్ణువు రామునిగా అవతరించి రావణుని కడతేర్చెద నని వారికి చెప్పి, వారిని శాంతపరచి పంపెను.
భూలోకమున అయోధ్యా నగర చక్రవర్తి దశరధుడు పుత్రుల కొరకై పుత్ర కామేష్టి యను యఙ్ఞమును చేయుచుండెను. ఆ యఙ్ఞమునకు సంతసించిన దేవతలు అగ్ని దేవుని ద్వారా దశరధునికి పాయసము ను పంపిరి. ఆ పాయసమును దశరధుడు తన మువ్వురు భార్యలకు అనగా కౌసల్య, సుమిత్ర,కైకేయి లకు పంచెను. కొన్నాళ్లకు యీ మువ్వురు భార్యలు గర్భవతులై నలుగురు మగబిడ్డలను ప్రసవించారు. ఆ మహా విష్ణువే తన ఆది శేషువు, శంఖ చక్రములు, గదలతో సహా యీ నలుగురు పుత్రులుగా అవతిరించెను. రావణ సంహారము కొరకు అవతరించిన ఆనలుగురు పుత్రులే శ్రీరామ చంద్రమూర్తి, లక్ష్మణుడు, భరతుడు మరియు శతృఘ్నుడు.
చైత్ర మాసమున, శుద్ధ నవమీ తిధినాడు, పునర్వసు నక్షత్రమున ఐదు గ్రహములు ఉచ్ఛంలో నుండగ కర్కాటక లగ్నమున గురుడు చంద్రునితో కలసి వుండగా, జగన్నాధుడు, సర్వలోకారాధ్యుడు , సర్వ లక్షణ సంయుతుడును అగు ఆ మహా విష్ణువు కౌసల్యాదేవి గర్భమున శ్రీరామ చంద్రమూర్తిగా జనియించెను. శ్రీరాముడు పూర్ణ మానవుడుగా జీవించెను.
రామ నవమి : -   శ్రీ రాముని జననమైన నవమి తిధి నాడే ఆయన వివాహము సీతా మహాదేవి తో అయినదట. అట్లే రాజ్య పట్టాభిషేకము కూడ నవమి నాడేనట. అందుకనే శ్రీరామ నవమి అని చైత్ర శుద్ధ నవమి నాడే మనము పండుగ జరుపుకుంటాము.
విది విదానం : - ఆ రోజు మానవులందరూ తల స్నానము చేసి శుభ్రమైన లేక క్రొత్త బట్టలను ధరించి సీతారాముల పూజించి, కళ్యాణ మహోత్సవను జరిపించి, వసంత ఋతువు - ఎండాకాలము అగుటవలన పానకము, వడపప్పు ఆరగింపు చేసి ప్రసాదము పంచుదురు. దశమి నాడు పట్టాభిషేక ఘట్టము జరుపుదురు. కొందరు చైత్ర శుద్ధ పాడ్యమి నుండి నవమి వరకు రామనవరాత్రోత్సవము జరుపుదురు. ఈ తొమ్మిది దినములందు రామాయణ పారాయణము, రాత్రులందు రామకధా కాలక్షేపము జరుపుదురు.
శ్రీ రామనవమి నుండి రామకోటి వ్రాయుట నారంభించి, మరుసటి శ్రీ రామనవమికి ఆ వ్రతము ముగించు ఆచారము కూడ కలదు. శ్రీ రామ నామము లక్ష, కోటి వ్రాసిన ఒక్కోక్క అక్షరమే మహా పాతకములను నశింపజేయునని శంకరుడు పార్వతికి చెప్పునట్లు భవిష్య ఉత్తర పురాణమున ఉమామహేశ్వర సంవాదమున వివరింపబడినది.
దేవుడైనను, మానవ రూపమున నున్న కారణమున ఆ శ్రీ సీతారాముడు, మానవుడు తన దుఃఖ ములలో , కష్ట నష్టములలో ఏ విధంగా స్పందించునో ఆ విధముగనే ప్రవర్తించి చూపుటయే గాకపితృవాక్య పరిపాలనము, సత్యసంధత, భ్రాతృప్రీతి, స్నేహ బంధము, ఏక పత్నీ వ్రతము, ఒకే మాట - ఒకే బాణము , మొదలగు కష్టతరమైన ధర్మాలను ఆచరించి చూపి తన శీల సంపదతో మానవ జాతికే కనువిప్పు కలిగించెను.
   అందుకనే "శ్రీ సీతారాముల గుడి లేని గ్రామముండదు... శ్రీ రామ అని మొట్ట మొదట వ్రాయక, యే వ్రాతయూ వ్రాయబడదు" అను నానుడి వచ్చినది. ఆ విధంగా శ్రీ రామ నవమి మానవాళికి పర్వదినమైనది.

How a Password Changed my Life

How a Password Changed my Life ... A true story from the Reader’s Digest ...

I was having a great morning until I sat down in front of my office computer. “your password has expired”, a server message flashed on my screen, with instructions for changing it...In my company we have to change password monthly..
I was deeply depressed after my recent divorce. Disbelief over what she had done to me was what I thought all day.
 I remembered a tip I’d heard from my former boss. He’d said, “I’m going to use a password that is going to change my life”. I couldn’t focus on getting things done in my current mood.. My password reminded me that I shouldn’t let myself be a victim of my recent breakup and that I was strong enough to do something about it.

I made my password – Forgive@her. I had to type this password several times every day, each time my computer would lock. Each time I came back from lunch I wrote forgive her.
The simple action changed the way I looked at my ex-wife.. That constant reminder of reconciliation led me to accept the way things happened and helped me deal with my depression.. By the time the server prompted me to change my password following month, I felt free.

The next time I had to change my password I thought about the next thing that I had to get done. My password became Quit@smoking4ever .
It motivated me to follow my goal and I was able to quit smoking.

One month later, my password became Save4trip@europe, and in three months I was able to visit Europe.

Reminders helped me materialize my goals kept me motivated and excited.
. it's sometimes difficult to come up with your next goal, keeping at it brings great results.

After a few months my password was
lifeis#beauTful  !!!

Life is going to change again 👌👌

నూట ఎనిమిది నామాలలో సంపూర్ణ రామాయణం

🌻🌹🌻నూట ఎనిమిది నామాలలో సంపూర్ణ రామాయణం.🌻🌹🌻

1.శుద్ధబ్రహ్మ పరాత్పర రామ
2.కాలాత్మక పరమేశ్వర రామ
3.శేషతల్ప సుఖనిద్రిత రామ
4.బ్రహ్మద్యమర ప్రార్ధిత రామ
5.చందకిరణ కులమండన రామ
6.శ్రీమద్దశరధనందన రామ
7.కౌసల్యాసుఖవర్ధన రామ
8.విశ్వామిత్రప్రియధన రామ
9.ఘోరతాటకఘాతక రామ
10.మారీచాదినిపాతక రామ
11.కౌశిక మఖసంరక్షక రామ
12.శ్రీ మదహల్యో ద్దారక రామ
13.గౌతమమునిసంపూజిత రామ
14.సురమునివరగణసంస్తుత రామ
15.నవికధావితమృదుపద రామ
16.మిధిలాపురజనమోదక రామ
17.విదేహమానసరంజక రామ
18.త్రయంబకకార్ముకభంజక రామ
19.సితార్పితవరమాలిక రామ
20.కృతవైవాహిక కౌతుక రామ
21.భార్గవదర్పవినాశక రామ
22.శ్రీ మాధయోద్యా పాలక రామ
23.ఆగణితగుణగణభూషిత రామ
24.అవనితనయాకామిత రామ
25.రాకాచంద్రసమానన రామ
26.పితృవాక్యాశ్రితకానన రామ
27.ప్రియగుహావినివేధితపద రామ
28.తత్ క్షాళితనిజమృదుపద రామ
29.భరద్వాజముఖానందక రామ
౩౦.చిత్రకూటాద్రినికేతన రామ
31.దశరధసంతతచింతిత రామ
32.కైకేయీతనయార్థిత రామ
౩౩.విరచితనిజపాదుక రామ
34.భారతార్పిత నిజపాదుక రామ
35.దండకవనజనపావన రామ
36.దుష్టవిరాధవినాశాన రామ
37.శరభoగసుతీక్షార్చిత రామ
38.అగస్త్యానుగ్రహవర్ధిత రామ
39.గృద్రాధిపగతిదాయక రామ
40.పంచవటీతటసుస్థిత రామ
41.శూర్పణఖార్తి విధాయక రామ
42.ఖరదూషణముఖసూదక రామ
43.సీతాప్రియహరిణానుగ రామ
44.మరిచార్తికృదాశుగా రామ
45.వినష్ట సేతాన్వేషక రామ
46. గృధ్రాధిపగతిదాయక రామ
47.శబరిదత్తఫలాశన రామ
48.కబంధభాహుచ్చేధన రామ
49.హనుమత్సేవితనిజపద రామ
50.నతసుగ్రివభిష్టద రామ
51.గర్వితవాలివిమోచక రామ
52. వానరదుతప్రేషక రామ
53.హితకరలక్ష్మణసంయుత రామ
54.కపివరసంతతసంస్మృత రామ
55.తద్గతి విఘ్నద్వంసక రామ
56.సీతాప్రాణాదారక రామ
57.దుష్టదశాన ధూషిత రామ
58. శిష్టహనూమద్భూషిత రామ
59.సీతూధితకాకావన రామ
60.కృతచూడామణిదర్శన రామ
61. కపివరవహనశ్వాసిత రామ
62.రావణధనప్రస్థిత రామ
63.వనరసైన్యసమావృత రామ
64.శొశితసరిధీశార్థిత రామ
65.విభిషణాభయదాయక రామ
66. సర్వతసేతునిభందక రామ
67.కుంబకర్ణ శిరశ్చెదక రామ
68.రాక్షససంఘవిమర్ధక రామ
69.ఆహిమహిరావణ ధారణ రామ
70.సంహ్రృతదశముఖరావణ రామ
71.విభావముఖసురసంస్తుత రామ
72.ఖస్థితధశరధవీక్షిత రామ
73.సీతాదర్శనమోదిత రామ
74.అభిషిక్త విభీషణ రామ
75.పుష్పకయానారోహణ రామ
76.భరధ్వజాభినిషేవణ రామ
77.భరతప్రాణప్రియకర రామ
78.సాకేత పురీభుషన రామ
79.సకలస్వీయసమానత రామ
80.రత్నలసత్పీఠాస్థిత రామ
81.పట్టాభిషేకాలంకృత రామ
82.పార్థివకులసమ్మానిత రామ
83.విభీషణార్పితరంగక రామ
84.కీశకులానుగ్రహకర రామ
85.సకలజీవసంరక్షక రామ
86.సమస్తలోకోద్ధారక రామ
87.అగణితమునిగాణసంస్తుత రామ
88.విశ్రుత రాక్షసఖండన రామ
89.సితాలింగననిర్వృత రామ
90.నీతిసురక్షితజనపద రామ
91.విపినత్యాజితజనకజ రామ
92.కారితలవణాసురవధ రామ
93.స్వర్గతశంబుక సంస్తుత రామ
94.స్వతనయకుశలవనందిత రామ
95.అశ్వమేధక్రతుదీక్షిత రామ
96.కాలావేదితసురపద రామ
97.ఆయోధ్యజనముక్తిద రామ
98.విధిముఖవిభుదానందక రామ
99.తేజోమయనిజరూపక రామ
100.సంసృతిబన్ధవిమోచక రామ
101.ధర్మస్థాపనతత్పర రామ
102.భక్తిపరాయణముక్తిద రామ
103.సర్వచరాచరపాలక రామ
104.సర్వభవామయవారక రామ
105.వైకుంఠలయసంస్ఠీత రామ
106.నిత్యనందపదస్ఠిత రామ
107.కరుణా నిధి జయ సీతా రామ
108.రామరామ జయరాజా రామ

రామ రామ జయసీతా రామ.....

How to win?

Some important powerful messages.

ఈ మెసేజ్ లోని ప్రతి లైన్ జీవితంలో ఎక్కడో ఒక దగ్గర తప్పక ఉపయోగపడుతుంది.!

దేనికైనా కాలం కలసి రావాలి. అందరికీ అవకాశం కల్పిస్తాడు దేవుడు. అందుకోసం వెయిట్‌ చెయ్యాలన్నారు.అలాగే నాటకం చూడాల్సి వస్తే ముందు వరుసలో కూర్చుంటాం. అదే సినిమా చూడాల్సి వస్తే వెనుక వరుసలో కూర్చుంటాం. ముందు వెనుకలన్నవి సాపేక్షం.

సబ్బును తయారు చెయ్యాలంటే ఆయిల్‌ కావాలి! అదే చేతికి అంటిన ఆయిల్‌ను పోగొట్టుకోవాలంటే…సబ్బు కావాలి.చిత్రంగా లేదు? జీవితమూ ఇంతే అన్నారు. సమస్య వచ్చి పడింది. జీవితం అయిపోయింది అనుకోకూడదు. దానిని ఓ మలుపుగా భావించాలి.

ఈ ప్రపంచంలో ఇద్దరే ఇద్దరు ఆనందిస్తారట! ఒకరు పిచ్చివాళ్ళు. మరొకరు చిన్నపిల్లలు. గమ్యాన్ని చేరుకోవాలంటే పిచ్చితనం కావాలి. చేరుకున్న గమ్యాన్ని ఆనందించాలంటే చిన్నపిల్లలైపోవాలన్నారు.

తాళం తో పాటే తాళం చెవి
కూడా తయారు చేయబడుతుంది.
ఒకటి లేకుండా రెండోది తయారు కాబడదు.
అలాగే పరిష్కారం లేకుండా ఒక సమస్యను
భగవంతుడు స్రుష్టించే అవకాశమే లేదు.

: తూటా కంటే శక్తివంతమైనది మాట!
ఒక్క మాటతో సంబంధం తెంచుకోవచ్చు,
ఒకే మాటతో లేని బందాన్ని పంచుకోవచ్చు

మనిషి సమాజంలో సూదిలా బ్రతకాలి,
కత్తెర లాగ కాదు.
సూది పని ఎప్పుడూ జోడించడమే,
కత్తెర పని ఎప్పుడూ విడదీయడమే,
అందరిని కలుపుకుంటూ బ్రతకాలి.
కత్తెర లాగా విడదీస్తూ కాదు..

నిజాన్ని మార్చే శక్తి ఈ ప్రపంచంలో ఎవ్వరికీ లేదు,
కానీ ప్రపంచాన్ని మార్చే శక్తి నిజానికి ఉంది.

నీవు సంతోషంగా ఉన్నావంటే
నీకు సమష్యల్లేవని కాదు,
వాటిని ఎదుర్కోగల శక్తి, ధైర్యం
నీకున్నాయని…

చేసిన తప్పుకు క్షమాపణ
అడిగినవాడు ధైర్యవంతుడు.
ఎదుటి వారి తప్పును
క్షమించగలిగిన వాడు బలవంతుడు.

: కష్టం అందరికీ శత్రువే, కానీ
కష్టాన్ని కూడా చిరునవ్వుతో స్వీకరిస్తే,
సుఖమై నిన్ను ప్రేమిస్తుంది.

ఓటమి లేనివాడికి అనుభవం రాదు,
అనుభవం లేనివాడికి జ్ఞానం రాదు.
గెలిచినప్పుడు గెలుపును స్వీకరించు,
ఓడినప్పుడు పాఠాన్ని స్వీకరించు.
ఎలా నిలదొక్కుకున్నావన్నది కావల్సింది.
ఓడిపోయి విశ్రాంతి తీసుకుంటునప్పుడు
ఆ ఓటమి నేర్పిన పాఠాన్ని చదువుకో,
గెలుస్తావు.

ఎవరికైనా ఉండేది రోజుకు 24 గంటలే,
గెలిచేవాడు ఆ 24 గంటలూ కష్టపడుతుంటాడు.
ఓడేవాడు ఆ 24 గంటలు ఎలా కష్టపడలా అని ఆలోచిస్తుంటాడు.
అదే తేడా…

గెలవాలన్న తపన,
గెలవగలను అన్న నమ్మకం,
నిరంతర సాధన.
ఈ మూడే నిన్ను గెలుపుకు
దగ్గర చేసే సాధనాలు.

నేను గెలవటంలో ఓడిపొవచ్చు, కానీ
ప్రయత్నించడంలో గెలుస్తున్నాను…
ప్రయత్నిస్తూ గెలుస్తాను.. గెలిచి తీరుతాను.

స్వయంకృషితో పైకొచ్చినవారికి
ఆత్మవిశ్వాసం ఉంటుంది గానీ,
అహంకారం ఉండదు.

మూర్ఖుడు తాను ఇతరులకు
మోసం చేయగలుగుతున్నాను కాబట్టి
తెలివి గలవాణ్ణి అనుకుంటాడు.
అది తన పిచ్చితనమని,
తన నాశనానికి దారితీస్తుందని గ్రహించడు.